Archiv

L’archiv da la Fundaziun Schiller svizra documentescha l’istorgia da l’instituziun da maniera cumpletta. Conservada è cunzunt la correspundenza interna dal cussegl da fundaziun. Dad interess particular èn ils stgars milli dossiers d’auturs che illustreschan il contact cun premiadas e premiads, persunas sustegnidas, petentas e petents, expertas ed experts. Els dattan in maletg da la scena litterara quadrilingua en Svizra en il 20avel ed a l’entschatta dal 21avel tschientaner.

L’archiv vegn conservà sco deposit a l’Archiv da la citad da Turitg. Per al pudair consultar ston ins contactar l’emprim il secretariat da la Fundaziun Schiller. En il decurs dal 2018 vegn l’inventari da l’archiv cataloghisà da nov e surdà sco donaziun a l’Archiv svizzer da litteratura a Berna. A partir da la stad dal 2019 vegnan ils documents ad esser accessibels a Berna. Il catalog detaglià vegn ad esser disponibel online sin questa pagina.

Or da l’archiv:
Friedrich Glauser scriva ils 28 d’october 1935 a la Fundaziun Schiller: Dokument-F Glauser-Oktober 1935