Istorgia
Hans Bodmer, il president dal circul da lectura Hottingen, è stà la forza motorica per la constituziun da la Fundaziun Schiller svizra l’onn 1905. El na vuleva mo stgaffir ina secziun da la Fundaziun Schiller tudestga – che sustegneva gia dapi il 1859 auturs en pitgiras – a chaschun dal 100avel di da la mort da Friedrich Schiller. Perquai ha el tschertgà contacts cun il Cussegl federal e diversas persunalitads da la Svizra franzosa, taliana e rumantscha ed è reussì a crear ina instituziun per la promoziun litterara francada en tut las quatter cuminanzas linguisticas.

La Confederaziun, ils Chantuns e donaturs privats han mess a disposiziun in chapital da basa. In dumber da commembers – creschì continuadamain fin ils onns 1930 e suenter puspè sa sminuì – sustegneva la Fundaziun cun sias contribuziuns annualas. Pli e pli è quella sa concentrada sin la premiaziun d’auturas ed auturs per ovras remartgablas. Sper in grond dumber da distincziuns pli pitschnas è vegnì surdà circa mintga tschintg onns il Grond premi Schiller. Quel è ì fin oz ad in rumantsch, trais tessinais, tschintg romands e ad ina autura ed otg auturs da lingua tudestga.

Istorgia
Word ca 40kb -> Download