Archiv

L’archiv da la Fundaziun Schiller svizra documentescha l’istorgia da l’instituziun da maniera cumpletta. Ils protocols dal cussegl da fundaziun e la correspundenza interna sco er numerus parairis dattan ina invista en la politica da premiaziun. Dad interess particular èn ils stgars milli dossiers d’auturas e d’auturs, che illustreschan il contact da la fundaziun cun premiadas e premiads, persunas sustegnidas, petentas e petents, expertas ed experts. Els represchentan las vuschs impurtantas da la scena litterara quadrilingua en Svizra durant il 20avel ed a l’entschatta dal 21avel tschientaner.

Suenter esser stà deposità durant blers onns a l’Archiv da la citad da Turitg, è l’archiv vegnì regalà il 2019 a l’Archiv svizzer da litteratura a Berna. Là è el accessibel a persunas interessadas ed a la scienza. Grazia a la cataloghisaziun nova, ch’è vegnida finanziada da las Fundaziuns Schiller e Christoph Geiser, pon ins ussa acceder online a l’inventari d’archiv per s’infurmar davart questa ritga documentaziun.

https://ead.nb.admin.ch/html/sss_04.html

Or da l’archiv:
Friedrich Glauser scriva ils 28 d’october 1935 a la Fundaziun Schiller: Dokument-F Glauser-Oktober 1935